Alvin D.
Ora esun ku no sa haña sa, e ta siña
Alvin D. ta e outor di e buki “Kuenta di Mi Tera”, un historia di mas ku 500 aña agrikultura na Kòrsou, i fundadó di alvin-ebuki.com, un inisiativa ku tin komo meta pa empoderá publikashon independiente di buki i revista pa e islanan ABC. Impulsá pa un amor pa idioma, kultura, promové lesamentu i konosementu sosial, Alvin ta konstruyendo un plataforma pa bukinan elektróniko (ebook) aksesibel, di kalidat haltu na Papiamentu i otro idiomanan. Su enfoke spesial ta riba outornan lokal i e publiko lesadó di tur edat i gremio ku ta buska pa alsa su konosementu.
Su vishon ta bai mas leu ku publikashon so: Alvin ke enkurashá lesamentu, sostené talento nobo di skibimentu i hasi historia di i desaroyonan na Kòrsou i di e region visibel. Hopi importante p’e ta tambe, hasi informashon aksesibel pa tur ku ke informá i desaroyá su mes. Komo fundadó, e ta enfoká riba edishon, produkshon digital, distribushon, i oportunidatnan hustu pa kreadónan independiente. Pa Alvin skirbimentu no ta algu ku e ta hasi den banda, pero su mishon pa pasa identidat, konosementu i kultura bibu pa generashonnan ku ta sigui.